Дэрэвгэр жиргэрүүг бүү түү!

Дэрэвгэр жиргэрүү буюу (Saposhnikovia divaricata) нь Монгол орны ховор ургамлын жагсаалтад багтдаг, экологийн болон эмийн өндөр ач холбогдолтой олон наст өвслөг ургамал юм. Сүүлийн жилүүдэд хууль бус түүвэрлэлтээс шалтгаалан устах аюулд ороод буй тул төрөөс байгалиас түүж бэлтгэхийг түр хориглоод байна.

Экологийн ач холбогдол: (Хөрсний хамгаалагч)

Дэрэвгэр жиргэрүү нь байгалийн экосистемд маш чухал үүрэг гүйцэтгэдэг:

• Чийг баригч: Газрын гүн рүү 1 метр хүртэл хавж ургадаг хүчирхэг голлосон үндэстэй. Энэхүү үндэс нь борооны дараах хөрсний чийгийг хуримтлуулж, хуурайшилттай үед эргэн тойрны бусад ургамлыг усан тэжээлээр хангаж байдаг.

• Цөлжилтийн эсрэг бамбай: Уг ургамлыг үндсээр нь ухаж авахад хөрс сийрэгжин доройтож, дахин төлждөггүй бөгөөд тухайн орчинд цөлжилт шууд үүсэх аюултай байдаг.