Үүсмэл ордыг 59% нь, "Ухаа худаг"-ийг 52% нь, Нарийн сухайтыг 57% нь төрд авах нь зөв гэж үзжээ   

"МEC" судалгааны байгууллага энэ гуравдугаар сард баялгийн сангийн тухай иргэдийн дунд хэд хэдэн санал асуулга явуулжээ. Үүнд, "Ачит ихт"-ийн үүсмэл орд, "Энержи Ресурс"-ийн Ухаа худаг орд, МАК-ийн эзэмшлийн Нарийн сухайт, Цагаан суварга зэргийн тодорхой хувийг төрд авах эсэх талаар асуусан байна.

ЕТГ-ын дарга асан П.Цагааны эзэмшлийн "Ачит ихт" ХХК "Эрдэнэт"-ийн үүсмэл ордын нэгийг ашигладаг. Тус үүсмэл ордыг эзэмшигчид "34 хувиа төрд өгье" гэдгэ албан ёсоор илэрхийлсэн гэгдэж байгаа. 34-50 хувийг төрд авахыг 59 хувь нь зөв, 19 хувь нь буруу, 22 хувь мэдэхгүй гэж хариулжээ.

Ж.Оджаргалын "Энержи Ресурс" ХХК-ийн Тавантолгойн чулуун нүүрсний бүлэг ордоос "Ухаа худаг"-ийг эзэмшдэг. Тус эзэмшлээс үүдсэн Засгийн газар "Эм Си Эс" ХХК хоорондын асуудал өндрөө авсан хэвээр байгаа билээ. Тус ордын 34-50 хувийг төрд авахыг 52 хувь нь зөв, 33 хувь нь буруу, 25 хувь нь мэдэхгүй гэж хариулсан байна.

УИХ-ын гишүүн Н.Номтойбаярын аав Б.Нямтайширийн "МАК" ХК стратегийн ордод чамгүй олон лиценз эзэмшдэг. Тэдний Нарийн сухайт ордыг 57 хувь нь, Цагаан суварга ордыг 60 хувь нь 34-50 хувийг төрд авах нь зөв гэж хариулжээ.