Б.Нандинболор: Хоригдол С.Батдөл "Төр хурх" амралтын газар 50 хоног галчаар ажилласан

УБТЗ-ын Тээвэр зохион байгуулалтын албаны орлогч даргаар ажиллаж байсан С.Батдөлийг албаны чиг үүргээ хэрэгжүүлэхийн тулд шууд болон бусдаар дамжуулан хахууль авсан, гэмт хэргийн улмаас олсон мөнгө гэдгийг мэдсээр байж түүний хууль бус эх үүсвэрийг нуун далдах зорилгоор хөдлөх болон үл хөдлөх хөрөнгө худалдан авч мөнгө угаах гэмт хэргийг байнга тогтвортой үйлдсэн, нийтийн албан тушаалтан хөрөнгө, орлого их хэмжээгээр нэмэгдсэн эх үүсвэрийг хууль ёсны болохыг үндэслэлтэй тайлбарлаж чадаагүй буюу үндэслэлгүйгээр хөрөнгөжсөн гэмт хэргээр ял авсан.  

Тодруулбал ШШГЕГ-ын дарга, хурандаа Б.Нандинболор өнөөдөр мэдээлэл өгөхдөө С.Батдөл 2023 оны 11 сард Шүүхээр таслагдаад хорих ангийн мэдэлд ирсэн. 2024 оны 9 сарын 29-ний өдөр "Түр хурх" амралтын газрын Аж ахуйн хэсэгт галчаар  50 хоног ажилласан. Хуулиар хориглосон юм байхгүй. Аль ч  хоригдлыг тэнд ажиллуулж болно. ШШГЕГ-ын тэргүүн дэд даргын ахалсан хорих ял эдлүүлэх зөвлөл хэлэлцэж ямар хоригдлыг тэнд ажиллуулахыг шийддэг. Мөн "Түр хурх" амралтын газрын Аж Ахуйн хэсэг рүү явуулахад прокуророос зөвшөөрөд авдаг. С.Батдөлийн хувьд 50 хоног галчаар ажиллаад 2024 оны 11 сард хорих анги руу эргэн татсан. Одоо 409 дүгээр хорих ангид ялаа эдэлж байгаа гэлээ.