“Гэмт хэрэг, зөрчлөөс урьдчилан сэргийлэх нээлттэй өдөрлөг” арга хэмжээнд Баянголчуудыг урьж байна

2025 оны 5-р сарын 17-ны Бямба гарагт 11:00–17:00 цаг хүртэл 10 дугаар хорооллын Emart худалдааны төвийн гадна талбайд "Иргэдэд эрх зүйн мэдлэг олгох, төрийн байгууллагуудын үйл ажиллагааг олон нийтэд нээлттэй, ойлгомжтой танилцуулах, гэмт хэрэг, зөрчлөөс урьдчилан сэргийлэх мэдээлэл, зөвлөгөө хүргэх" зорилгоор “Гэмт хэрэг, зөрчлөөс урьдчилан сэргийлэх нээлттэй өдөрлөг” зохион байгуулагдана. 

Тус өдөрлөгт 20 гаруй төрийн байгууллага оролцож иргэдэд эрх зүйн зөвлөгөө, мэдээлэл өгч, асуулт-хариулт өрнүүлэх юм байна. 

Тус өдөрлөгийг БГД-ийн Гэмт хэргээс урьдчилан сэргийлэх зөвлөлийн ажлын алба, Баянгол дүүргийн Прокурорын газар, Баянгол дүүргийн Гэмт хэргээс урьдчилан сэргийлэх ажлыг зохицуулах салбар зөвлөлөөс санаачлан зохион байгуулж байгаа бөгөөд иргэдийн амралт, зав чөлөөг харгалзан амралтын өдөр төрийн үйлчилгээг хүргэж байгаа нь төр–иргэний хамтын ажиллагааг бэхжүүлэх, хүртээмжийг нэмэгдүүлэх чухал алхам юм

Лавлах утас: 9311-9918, 9973-0020