П.Батчулуун эмчийн хэргийг ҮДШ-ээс цагаатгаж шийдвэрлэлээ

Улсын дээд шүүх өнөөдөр П.Батчулуун эмчид холбогдох хэргийн Хяналтын шатны шүүх хуралдаан болж, П.Батчулуун эмчийг цагаатгах шийдвэр гаргасныг өмгөөлөгч нь дөнгөж сая мэдээллээ. Тэрбээр "Ямар нэг хувийн сэдэл агуулаагүй, цэвэр ажил үүргээ гүйцэтгэж байсан гэдэг үндэслэлээр түүнийг цагаатгалаа. Шүүхийн шийдвэрийн дагуу одооо түүнийг нэн даруй сууллана" хэмээв.

Эрүүл мэндийн яамны Эрүүл мэндийн Хөгжлийн төвийн Эс, эд, эрхтэн шилжүүлэн суулгах үйл ажиллагааг зохицуулах албаны даргаар ажиллаж байсан П.Батчулууныг хүний эд эрхтнийг зөвшөөрөлгүй авсан үйлдэлд гэм буруутайд тооцож, анхан болон давж заалдах шатны шүүхээс Эрүүгийн хуулийн тусгай ангийн 15.3 дугаар зүйлийн 2 дахь хэсэгт зааснаар 2.6 жилийн ял оноосон байсан билээ. Дашрамд дурьдахад энэ кейс нь Монголын анхны тохиолдол бөгөөд цаашдаа хуулиа эргэн харах шаардлагатай байгааг энэ үйл явдал харуулж, нийгэмд томоохон сургамж боллоо гэж эрүүл мэндийн салбарынхан ярьж байлаа.