Автомашины 20.000 төгрөгийн торгуулиас иргэн 10–20 хувийн буюу 2,000–4,000 төгрөгийн урамшуулал авна ​

102 аппликэйшнээр иргэдэд урамшуулал олгох зохицуулалт хэрэгжиж эхэлжээ 

Явган хүний зам, автобусны буудал дээр автозамын нэгдүгээр эгнээг хааж зогссон, автомашинаа зогсоолд бусдын хөдөлгөөнд саад болохоор байрлуулсан зөрчлийг иргэд зургаар баталгаажуулан, 102 аппликэйшнээр Замын хөдөлгөөний удирдлагын төвд  илгээвэл урамшуулал олгох зохицуулалт энэ сарын 01-нээс үйлчилж эхэлсэн. 

Тээврийн цагдаагийн албанаас мэдээлснээр замын хөдөлгөөний зөрчлийг мэдээлсэн иргэнд зөрчилд ногдуулсан торгуулийн 10–20 хувийг урамшуулал хэлбэрээр олгоно. Энэ урамшууллын олголт нь НӨАТ-ын буцаан олголтын хугацаатай ижил буюу 2026 оны нэгдүгээр сарын 20-нд 2025 оны сүүлийн хоёр сарын урамшууллыг, дөрөвдүгээр сарын 20-нд эхний гурван сарын урамшууллыг нэг удаа олгохоор тогтжээ.