Байгаль хамгаалагчдыг "Ямаха" брэндийн мотоциклоор хангажээ

Байгаль хамгаалагчдыг Японы Ямаха брэндийн мотоциклоор хангаж эхэлжээ. Эхний ээлжинд Завхан аймгийн Дөрвөлжин сумын нутаг дахь Хомын талын байгалийн цогцолбор газрын байгаль хамгаалагчдад хүлээлгэн өгсөн байна. 

Монгол Улсын Засгийн газар, Холбооны Бүгд Найрамдах Герман Улсын Засгийн газар хоорондын буцалтгүй тусламжийн хэлэлцээрийн хүрээнд БОАЖЯ-наас хэрэгжүүлж буй “Биологийн олон янз байдлыг хамгаалах, уур амьсгалын өөрчлөлтөд дасан зохицох II, III” төслийн санхүүжилтээр мотоциклоор хангаж байна гэж БОАЖ-ын сайд Б.Бат-Эрдэнэ мэдээлэв. Энэ төслийг 2023 оны дөрөвдүгээр сард эхлүүлсэн бөгөөд байгаль хамгаалагчдыг унаагаар хангах ажил үргэлжлэх юм байна