“COP-30” УУР АМЬСГАЛЫН ЧУУЛГАН ЭХЭЛЛЭЭ

Дэлхийн уур амьсгалын өөрчлөлтийн асуудлаарх НҮБ-ын бага хурал Бразилд ажлаа эхэллээ. Парисын уур амьсгалын гэрээг үзэглэснээс хойш 10 жилийн дараа болж байгаа энэ удаагийн COP30 чуулганд дэлхийн 200 гаруй улс орны төлөөлөл оролцож байна.

Цаг уурын дулаарлыг аж үйлдвэрлэлийн хөгжлийн өмнөх үед буюу 1,5°C-т аваачих, барихаар тохиролцсон Парисын хэлэлцээрээс хойш 10 жилийн дараа энэ зорилгод хүрэхэд өнөөдөр улам бүр хүнд хэцүү болж байгааг эрдэмтэн, судлаачид хүлээн зөвшөөрөх болжээ.

Дэлхийн улс орнуудын төр засгийн тэргүүлэгчид, эрдэмтэн судлаачид, төрийн бус байгууллагууд, эко идэвхтнүүд Бразилын Белем хотод хуран цуглаж цаашид уур амьсгалын өөрчлөлт, цаг агаарын дулааралтай хэрхэн тэмцэх асуудлаар хэлэлцэж байна.