“Лабубу” хүүхэлдэй уран сайхны кинотой болно 

“Лабубу” хүүхэлдэйг уран сайхны кино болгох төслийг “Sony Pictures” эхлүүлсэн талаарх мэдээлэл цацагдлаа. Тэд албан ёсны мэдээлэл хийгээгүй ч энэ талаарх мэдээлэл аль хэдийн цацагдаж эхэлжээ. Лабубуг Хонконг гаралтай, Голланд уран бүтээлч Касинг Лунг бүтээсан бөгөөд  Скандинавын ардын аман зохиолоос санаа авч “Мангасууд” хэмээх элф маягийн дүрүүдийг бүтээсний нэг нь Лабубу юм. Өвөрмөц дүр төрхтэй энэ хүүхэлдэйг алдарт “Blackpink” хамтлагийн гишүүн Лиза, дуучин Рианна болон жүжигчин Эмма Робертс зэрэг алдартан чимэглэл болгон хэрэглэснээр үйлдвэрлэгдсэнээсээ хойш 6 жил төдийлөн амжилт олоогүй байсан хүүхэлдэй дэлхий нийтээр трэнд болсон юм.