​БНСУ-д аялахдаа үзвэр, үйлчилгээний хөнгөлөлт хэрхэн авах вэ?

БНСУ-ын Аялал Жуулчлалын Төрийн Өмчит Корпорац (Korea Tourism Organization, KTO)-ын КТО Улаанбаатар болон SkyTrip компани хамтран Монголын аялагчдад зориулсан тусгай хөнгөлөлтийн аяныг хэрэгжүүлж эхэллээ.

KTO нь БНСУ-ын Соёл, Спорт, Аялал Жуулчлалын Яамны харьяа төрийн өмчит байгууллага бөгөөд Солонгос улсыг олон улсад сурталчлах, аялал жуулчлалын урсгалыг нэмэгдүүлэх, гадаадын жуулчдад зориулсан аяллын бүтээгдэхүүн, үйлчилгээний хүртээмжийг өргөжүүлэх чиглэлээр үйл ажиллагаа явуулдаг байгууллага юм.

Энэхүү хамтын ажиллагааны хүрээнд SkyTrip аппликейшнаар дамжуулан БНСУ чиглэлийн нислэгийн тийз худалдан авсан зорчигчид БНСУ-ын нэр хүндтэй үзвэр үйлчилгээ, соёлын болон аялал жуулчлалын газруудад 25-40 хувийн онцгой хөнгөлөлт эдлэх боломжтой болж байна.

Монгол аялагчдад зориулсан уг аян нь БНСУ-ын шилдэг аяллын газруудаар үйлчлүүлэх илүү хүртээмжтэй үнийг санал болгож, аяллын зардлаа хэмнэхийн зэрэгцээ гайхалтай дурсамжийг бүтээх боломжийг бүрдүүлж байгаагаараа онцлог юм.

ЛОТТЕ АКВАРИУМ – 30% ХӨНГӨЛӨЛТ

Сөүл хотын төвд байрлах Лотте Аквариум нь дэлхийн өнцөг булан бүрийн далайн амьтдыг нэг дороос үзэх боломжтой томоохон аквариум юм. Акул, далайн хав, оцон шувуу зэрэг олон төрлийн амьтдыг үзэхээс гадна гэр бүлээрээ цагийг хөгжилтэй өнгөрүүлэх боломжтой.

Хөнгөлөлтийн хугацаа: 2026 оны 8 дугаар сарын 31 хүртэл

СӨҮЛ СКАЙ (123 ДАВХАР ЦАМХАГ) – 30% ХӨНГӨЛӨЛТ

555 метр өндөр Лотте Ворлд Тауэрын оройд байрлах Сөүл Скай нь Сөүл хотыг бүхэлд нь тольдон харах боломжтой хамгийн өндөр цэг юм. Шилэн шалтай хэсэг болон оройн үзэмж нь жуулчдын хамгийн их сонирхдог хэсгүүдийн нэг юм. Тус цамхаг нь өндрөөрөө дэлхийд 6-рт ордог аж.

Хөнгөлөлтийн хугацаа: 2026 оны 8 дугаар сарын 31 хүртэл

НАНТА ТОГЛОЛТ – 40% ХӨНГӨЛӨЛТ

Нанта бол хэл шаарддаггүй, хөгжим, хошин үзүүлбэр, хоол хийх урлагийг хослуулсан Солонгосын хамгийн алдартай соёлын тоглолтуудын нэг юм. Дэлхийн олон орны жуулчид үздэг бөгөөд гэр бүл, найз нөхөдтэйгөө хамт үзэхэд тохиромжтой.

Хөнгөлөлтийн хугацаа: 2026 оны 12 дугаар сарын 31 хүртэл

БУСАН ХОТ

БУСАНЫ ЛОТТЕ ВОРЛД ТОГЛООМЫН ПАРК – 30% ХӨНГӨЛӨЛТ

Европын үлгэрийн хотыг санагдуулам загвараар бүтээн байгуулсан энэхүү парк нь сүүлийн жилүүдэд Бусан хотын хамгийн алдартай аяллын газруудын нэг болсон. Өндөр хурдны тоглоомууд, гэр бүлийн аттракцион, парад шоу зэрэг олон төрлийн үзвэрийг санал болгодог.

Хөнгөлөлтийн хугацаа: 2026 оны 8 дугаар сарын 31 хүртэл

BUSAN X THE SKY – 25% ХӨНГӨЛӨЛТ

Хэүндэ далайн эргийн дэргэд байрлах энэхүү ажиглалтын цамхаг нь Бусан хот болон далайн эргийн гайхамшигт үзэмжийг нэг дороос харах боломжийг олгодог. Өндөр шилэн ажиглалтын хэсэг нь дотоодын болон гадаадын жуулчдын заавал зорьдог газрын нэг болсон.

Хөнгөлөлтийн хугацаа: 2026 оны 12 дугаар сарын 31 хүртэл

ХӨНГӨЛӨЛТӨӨ ХЭРХЭН АВАХ ВЭ?

SkyTrip аппликейшнаар дамжуулан БНСУ чиглэлийн нислэгийн тийз худалдан авсан зорчигчид энэхүү хөтөлбөрт хамрагдах боломжтой. Тийз баталгаажсаны дараа хөнгөлөлт эдлэх заавар болон эрхийн мэдээллийг хүлээн авах бөгөөд дээрх байгууллагуудад заасан хугацаанд тусгай үнээр үйлчлүүлэх боломжтой.